Gotzon akorduan hartuta

2018-08-06 iruzkin

Gotzon Garateren heriotzaren lehen urteurrena izan zen 2009an. Gotzonen oroimenez antolatu genuen edizio hura, eta, besteak beste, herri-omenaldia, haren lanen erakusketa, hitzaldi-zikloa eta Barren astekarian argitaratutako gehigarria prestatu genituen.

Herri omenaldia
Gotzon Garateren lanen erakusketa
Gehigarri berezia Barren astekarian
Hitzaldi zikloa:
Zikloaren programa

Zikloko saioen kronikak

Gotzon hobeto ezagutzeko Miel Anjel Elustondoren bidaia

Gotzon Garateren bizitza eta lana hobeto ezagutzeko bidaia egin genuen Miel Anjel Elustondo idazle eta argazkilari azpeitiarra pilotu eta Iñaki Lasa irakaslea kopilotu zirela.

Saioaren kronika, Barrenen.

Elexpuru, zalantza artean igerian

Zalantza artean igerian jardungo genuela agindu zigun Juan Martin Elexpuruk. Izan ere, gai zaila da mahai gainean jarri geniona, eta oso nekez eman ahal zaio argia hain aspaldikoa den gai ilun bati. Euskararen jatorriaren azalpena, beste gauza askorena bezala, Biblian egon da XIX. mendera arte. Horren arabera, Tubalek ekarri zuen euskara penintsula iberiarrera. Elexpuruk, ordea, hori baino sakonago arakatu nahi du.

Hitzaldiaren kronika, Barrenen.

Jon Sarasua: “Ez goaz norabide zuzenean”

‘Euskaltasunaren norabideaz oldozpen batzuk’ izeneko hitzaldian, Jon Sarasuak, bertsolari izan delako edo, hitza izan zuen bere saioa borobiltzeko erabili zuen ia erreminta bakarra. Orriak mahai gainean zituela, koadro inpresionista bat margotzen hasi zen: sei kolore edo kontzeptu hautatu zituen Sarasuak euskaltasunaren egoera eta norabidea margotzeko: arrangura, sustraiak, jarraidura eta irekiera, kulturgintza, kurlturartekotasuna eta hegemonia.

Hitzaldiaren kronika, Barrenen.

Amuriza eta Maia, mende baten aldarria

XX. mendearen errepaso txiki bat egin zuten Xabier Amuriza eta Jon Maia bertsolariek Elgoibarko Musika Eskolako auditorioan. Besteak beste, Basarri, Txirrita, Azpillaga, Lazkao Txiki, Xalbador edo Uztapideren bertsoak kanta zituzten. Gaiak, berriz, asko eta diferenteak izan ziren: Gernikako bonbaketa, gerra, gosetea, Franco, Sigma josteko makina, Guardia Zibila, Euskal Herria…